Ulster-Scots

Whut wye tae pleen

Innins

Tha Polis Pleen Redder fur Norlin Airlan bes Mistress Marie Andèrson.
Tha Offys o tha Polis Pleen Redder gies a scowth an aiven-hannit sarvice, tha maist feck o’t fur reddin pleens anent tha wye tha polis haes guidit thairsel.
We’r fur leukkin pruif ’at wull gie iz a heeze wi desarnin hae tha polis guidit thairsel richt.
Oor desarns is cum til aathegither scowth o tha polis, tha govermin ur tha fowk ’at pleened.

 

Tha Polis Pleen Redder’s Offys pits thro-hans pleens anent tha gate o:

•        Polis an a wheen ithers warkin fur tha Polis Core o Norlin Airlan,
•        Bilfawst Hairbour Polis,
•        Bilfawst Monie-Lede Drome Polis,
•        Männystrie o Fennin Polis (in Norlin Airlan)
•        Lede Crime Agentrie offysers (in Norlin Airlan) an
•        Incummin an Mairch Agentrie offysers (in Norlin Airlan), sair hannlins alane

 

Tha Polis Pleen Redder’s Offys daesnae tak ocht tae dae wi pleens anent:

•        Maittèrs adae wi tha traffeckin o tha polis, tha like o tha wye tha polis ranks thair wark ur whut wye the’ guide thair daeins ur tha nummer o polis allocatit til an airt,
•        Polis ’at’s aff-lat, less the’r stannin as polis is relevant, tha like o thaim lattin ye ken the’r polis,
•        Polis an yins ’at wrocht fur tha polis ’at’s lowsed fur eild, less tha pleen’s adae wi thaim brakkin tha laa whanivver the’ wur warkin fur tha polis.

 

Ye’ll can pleen:

•        Ower tha phoáne oan 0300 123 2989,
•        Wi la-poást - [email protected],
•        bi wye o oor wabsteid
•        Wi scrievin til:  Forehannit Pleens Offys, Polis Pleen Redder’s Offys, New Cathederal Biggins, 11 Kirk Raa, Bilfawst, BT1 1PG
•        Ur wi lannin intil oor offys atween 9 i’ tha morn an 5 i’ tha eftèrnuin, Monday tae Friday.

 

Pleenin

Fur ordnar, ye maun pleen tae iz athin a twalmond o whut cum aboot ’at haes ye fashed.  Tha shuiner ye dae this, but, tha mair liker it wud be ’at sindèrie soarts o pruif wud be tae tha fore yit.

Tha Offys pits thro-hans pleens frae fowk ’at haes guid foons fur kennin weel whut cum aboot, ayther acause the’ wur langel’t wi’t ur it wrocht oan thaim somewye, ur the’r daein it tae fowk tha like o thon.
Tha Polis Pleen Redder cud leuk intil a pleen anent oniethin ’at cum aboot mair nor a twalmond afore we haed wurd o’t gin she trows tha maitter bes sair ur by-ordnar.
See an gie iz aa tha wittins ye hae anent tha daeins ye’r pleenin.  See an tak in stuff tha like o:
•        tha day, oor o tha day, tha date an siccar airt o whut cum aboot,
•        whut the’ cry tha bodie ye’r pleenin aboot, thair shoother nummer an tha leuk o thaim,
•        whut the’ cry onie wutnesses, an thair bakkins an phoáne nummers,
•        tha registratin nummer o onie motors langel’t wi’t,
•        an onie ither helplie pruif, tha like o leknesses ur soon ur video recoardins.
Dinnae fash yersel gin ye’ll can gie jist a feck o this wittins.  We’r fur leukkin til fyn pruif anent tha daeins we’r spierin intil.

 

Whut wull cum aboot eftèr ye hae pleened

We’r fur guidin baith tha bodie ’at pleened an tha bodie ’at tha pleen’s anent in a leal gate.
Eftèr ye hae awned wi iz we’ll tak tha rinnins o yer pleen an desarn whut wud be tha richt road tae pit it thro-hans.
We’r fur giein ye whut the’ cry tha bodie we hae ootwaled furtae fordèr tha maittèr.
Gin we trow yer pleen cud be red wi nae palaver, we micht leuk yer guidwull furtae han it ower tae tha polis fur thaim tae pit thro-hans.  Gin ye gree wi’t, tha polis wull awn wi ye fur a collogue an tae ettle at reddin tha maittèr.  Eftèrhin we wud screenge whut wye tha polis haes throcht yer pleen.
We micht stairt an approbatit spier intil yer pleen.  We’d be leukkin tae gaither pruif anent whut cum aboot, whulk micht tak in gaitherin tha spaiks o wutnesses, video recoardins, gear in tha aucht o tha polis takkin in polis soon ootpit, doctèrs’ scrows, forensic pruif an ither wittins.
We’d be leukkin yer haudin neiborin aa throch thon spier.  Like sae, we micht hae tae recur oan ye fur mair wittins.
We’r fur giein ye aa tha wittins we can at ilka spang o tha pleens throch-pittin.

 

Tha Ootcum o Yer Pleen

Tha Polis Pleen Redder cud cum til a wheen o sindèrie desarns anent yer pleen oan polis ur ither laa garrin offycers warkin in Norlin Airlan, lippenin oan tha pruif tae tha fore.

She micht:
•           Wyse ’at a polis offyser, polis warker ur laa garrin offyser shud be taen tae coort.
•           Wyse ’at a polis offyser, polis warker ur laa garrin offyser shud be paikit.
•           Wyse ’at a polis offyser, polis warker ur laa garrin offyser hae mair prenticin.
•           Wyse ’at tha polis ur ither laa-garrin agentrie forder a feck o thair warkin gates ur
•           Desarn thar’s no tha pruif furtae uphaud yer pleen.
Tha Guidèr o Apen Processin wull be aa tha yin fit tae desarn wull the’ tak tha laa oan a bodie ur no.  Gin tha Guidèr desarns tae tak tha laa oan thaim, we’r fur pittin ye ower this patent.
Wyce anent paikin gaes til tha PSNI Heid Coanstable ur tha heid o tha effeirin agentrie.  Gin the’ cum tae a desarn tae paik a polis offyser, we’r fur pittin ye ower this patent.
Nae mettèr aboot tha ootcum, whanivver we’r daen wi pittin yer pleen thro-hans we’r fur scrievin til ye, giein ye wut o tha ootcum an pittin ye ower tha desarn o the Polis Pleen Redder.

 

Yer Thochts.

Whanivver we’r daen pittin yer pleen thro-hans, we’r fur sennin ye spierins leukkin yer thochts oan oor sarvice.  We’r leukkin ye tae throch an sen baak thae spierins.  Tha takins o fowk ’at’s pleened afore haes weerit til fordèrin o tha sarvice we gie.
Gin ye’r no suitit wi tha sarvice we hae gien ye, ye micht be leukkin tae mak a pleen.  Ye may scrieve til Trokers’ Pleens at tha bakkin ablow:

Polis Pleen Redder’s Offys,
New Cathederal Biggins,
11 Kirk Raa
Bilfawst,
BT1 1PG

Twitter home